 |
Julie 31ste, 1992, Algemene Jaarvergadering,
Fisika gebou, UOVS, om 7nm.
Die voorsitter spreek die hoop uit dat die goeie opkoms gehandhaaf kan word
en dat dit 'n groei in die vereniging se aktiwiteite tot gevolg sal hê.
Hierna word die volgende komitee verkies:
Voorsitter: Mnr. H. van der Walt
Ondervoorsitter: Mnr. H. Calitz
Sekretaresse: Mev. T. Venter
Komiteelede: Mnre. B. van Zyl, C. de Coning, Mej. L. Hatting
Die voorsitter sal die name van die komitee lede aan die hoofkantoor stuur.
'n Voorstel dat lede R2 p.m. bydra vir tee, koffie, melk ens vir byeenkomste
word aanvaar.
Die Departement Fisika sal deur Mnr. Calitz genader word dat die Vereniging
hul vergaderings by Boyden Sterrewag hou. Hy meld dat hulle wel al tentatief
genader is en dat die departement die volgende teenpretasie vra vir die gebruik
van die sterrewag: lede moet bereid wees om groepe uit te neem en inligting
daar te verskaf. Van die lede is reeds bereid. Indien daar dan wel daar vergader
word sal die groep dan elke laaste Vrydag van die maand om 18:30 by die Fisika
gebou bymekaar kom en van daar vertrek.
'n Voorstel dat daar bepaal moet word wat elke persoon se motivering is om by
die vereniging aan te sluit, sy belangstellingsterrein en gebiede waarop hy
meer inligting verlang word aanvaar. Die sekretaresse sal so 'n vraelys saamstel
en uitstuur. Elke lid kan dan die geleentheid kry om 'n bydrae te lewer. Enige
interessante brokkies inligting kan tydens die byeenkomste oorgedra word.
Mnr. van der Walt gee 'n interessante praatjie oor konstelasies, die ontstaan
van hul name, winter- en somer konstelasies asook beweging in die hemelruim.
Mnr. Calitz wys op die waarde van kaarte en lig 'n paar beginsels uit. Daarna
word daar na 'n verskeidenheid skyfies gekyk. Van die lede benut daarna die
geleentheid om konstellasies te identifiseer vanaf die dak van die gebou.
September 18de, 1992, Huis van
Mnr. van Der Walt, om 7nm.
In stede van die R2 per maand word R10 per jaar voorgestel vir ledegeld. Die
boekjaar sal strek vanaf 1 Julie - 30 Junie. Daar is 'n bedrag op spaar by Trust
Bank, wat na die goue spaar oorgeplaas kan word. Die Voorsitter sal ondersoek
instel.
Die uitvat van groepe na Boyden word bespreek. Mnr. Calitz is die enigste lid
wat dit doen, en die ander is ook bereid. Daar sal gepoog word om dit met ons
normale uitstappies of ander vaste datums te koördineer. Daar word wel
bevestig dat die bymekaarkomplek by die Fisika departement sal wees. Alternatiewe
programme sal gereël word by Boyden.
In die vraelys sal belangstellings, kundigheid, ens bepaal word. Dit sal 'n
belangrike rol speel in die bepaling van aktiwiteite en daarom moet dit met
sorg saamgestel word. 'n Konsep sal deur die Voorsitter, onder-voorsitter en
sekretaresse en uitgestuur word.
Mej. Hatting kan vir afslag beding op apparatuur vir lede en sal dit voor lê
op vergaderings. Die adres lys sal aan lede beskikbaar gestel word. Daar kan
van die Munisipaleit se "What's On" reklameblad gebruik gemaak word
om die vergaderings en byeenkomste van die Vereniging te adverteer. 'n Kalender
van sterrekundige gebeure kan tydens elke lede vergadering vir die komende maand
uitgedeel word.
'n Voorstel dat ledevergaderings 'n vaste struktuur het vind byval. Elemente
soos die volgende kan ingeluit word: 1. Rapportering oor interessante sake.
2. Vrae en antwoorde. 3. Onderwerp.
Die probleem dat voornemende lede slegs teleskoop observasie wil doen word bespreek.
Lede kan elk 'n geleentheid kry om oor 'n onderwerp 'n voordrag te lewer. 'n
Vooraf beplande program moet uitgedeel word, met bv. oa slegs 1 X kwartaal observasie.
Die doel van die vereniging moet onder lede se aandag gebring word. Uitstallings
en 'n bronnelys van leesstof kan elke byeenkoms interessanter maak, veral wanneer
daar oor 'n sekere onderwerp gepraat word.
Die vereniging moet ook as waghond optree teen sterrekundige flaters wat in
die pers begaan word. Die voorsitter verwys na die wyse waarop Die Volksblad
die maan siklus aangegee het.
Die notule word voorgehou en goedgekeur. Die volgende sake spruit uit die notule:
Die briefhoof moet nog goedgekeur word deur Mnr. Van der Walt.
Mev. Venter moet nog die vraelys saamstel.
Adreslys moet nog aan alle lede uitgedeel word.
Mnre. de Coning en Van Zyl sal nog opgelei word om by Boyden behulpsaam te wees
met die hantering van groepe.
Daar word verwys na die aflsuitingsfunksie in Desember 1992 aan huis van Mnr.
van der Walt.