 |
Junie 7de, 1985,
Naval Hill Sterrewag, om 8nm.
Lede word bedank vir hulle teenwoordigheid by Mnr. Erasmus se inwyding van sy
sterrewag. Die moonytikheid word uitgespreek vir die inwyding van Mnr. Viljoen
se sterrewag en later 'n braai.
'n Skrywe is ontvang van die Potchefstroom se universiteit waarin alle belanghebbendes
gevra word om 'n bydrae te lewer tot die opstel van 'n Afrikaans/Engels sterrekunde
woordeboek. Mnr. Terblanche word voorgestel as korrespondent in die verband.
'n Skrywe is ontvang van Mnr. Danie Overbeek waarin hy navraag doen of die tak
enige "grazing" okkultasies gedoen het. Sedert oom Wallie weg is is
daar egter niks gedoen nie. Mnr. Van Eliinckhuyzen het waarnemings probeer doen
insake die Asteroïde okkultasies maar die weer was nie gunstig nie en die
okkultasies het ook te lank geduur. Verder was die tydsein ook nie hoorbaar
nie.
'n Skrywe is van ASSA ontvang van Mnr. Jimmy Barker insake nominale bydrae van
die lede tot ASSA se ledegeld. Daar word egter gevoel dat dit die kool die sous
nie werd sou wees nie aangesien daar slegs een lid in Bloemfontein is wat hieraan
voldoen.
Verder blyk dit dat daar volgende jaar 'n geselskap vanaf Engeland na Suid-Afrika
kom vir die waarneming van Halley. Hulle sal Bloemfontein moontlik besoek. Baie
navrae is van die publiek ontvang insake Halley en die moontlikheid word bespreek
om die situasie uit te byt om nuwe lede te werf.
Julie 26ste, 1985,
Algemene Jaarvergadering, Naval Hill Sterrewag, om 8nm.
Dit blyk dat die 8 1/2 duim teleskoop wat ontvang is se optiese dele baie goed
is. Die meganiese dele is egter swak. Daar word egter voorgestel dat die teleskoop
in die sterrewag monteer word en dat 'n diens aan die publiek gelewer word.
Nadat die uittredende voorsitter sy jaarverslag gelewer het word die volgende
bestuurelede gekies:
Voorsitter: Mnr. H. Terblanche
Ondervoorsitter: Mnr. B. Viljoen
Sekretaris/Tesourier; Mnr. F. Neser
Komiteelede: Mnre. H. Van Der Walt en J. Van Elinckhuyzen
Teenwoordiger op die Raad: Mnr. J. Van Elinckhuyzen
Plaasvervanger: Mej. P. Booth
P. R. D.: Mnr. P. Erasmus
Augustus 23ste,
1985, Naval Hill Sterrewag, om 8nm.
Mnr. Viljoen noem die moontlikheid dat sy sterrewag later die jaar ingewy sal
word. 'n Datum is egter nie genoem nie. Mnr. Erasmus noem dat 'n 8 1/2 reflektor
deur 'n buitestaander aan die tak geskenk is. Mnr. Van Ellinckhuyzen sou die
persoon namens die tak bedank. 'n Plaatjie met die persoon se naam op sal op
die teleskoop aangebring word. Mnr. Van Elinckhuyzen is besig om 'n Dobsonian
montering van die teleskoop te maak.
Daar word voorgestel dat die tak aan die Munisipaliteit moet skryf om die gebruik
van die gebou te verseker. Verder word genoem dat die hoofgebou moontlik afgebreek
gaan word en die tak dus nie krag sal hê nie.
Sodra die geboutjie in 'n werkende orde gebring is en die teleskoop instaleer
is word voorgestel dat 'n ope-aand elke maand vir die publiek gehou word. Advertensies
sal in koerant geplaas word en Halley se komeet moet deurlopend as tema gebruik
word.
September 26ste,
1985, Crawfordsingel 12, Fichardtpark, om 8nm.
Berig is van Mnr. Ellinckhuyzen ontvang dat die 8 1/2 duim teleskoop feitlik
voltooi is en dit begin 1986 installeer sal word. Mnr. Terblanche onderneem
om 'n ondersoek in te stel na die sterrwag se dak, aangesien daar probleme ondervind
word met die oopskuif. Hy sal ook die munisipaleit nader oor die gebruik van
die sterrewag, en die tak se voorneme om sterreaande vir die publiek te hou.
Die inligtingsdiens by Hoffmanplein kan gebruik word vir besprekings soos wat
Boyden Sterrewag in die verlede gedoen het. Ons kan tussen 10 en 15 mense op
'n aand akkomodeer.
Mnr. Terblanche stel voor dat die lewer van praatjies weer ingetsel word in
Januarie 1986. Mnr. Erasmus stel voor dat observasies van lede by die sterrewag
gebêre moet word. Wat die voorgenome besoek aan Boyden Sterrewag betref
verwittig Mnr. Terblanche dat hy nog nie Prof. Jarret in die hande kon kry nie.